Uhulumende weleBotswana senikeze iZimbabwe isikwelede sezigidi ezingamakhulu amahlanu amaPula P500million ezasetshenswa kunhlelo zokuvuselela ama industry.
IBotswana ithembise iZimbabwe limali ngomnyaka odluleyo njalo ize yavuma ukuyikhulula ngoLwesihlanu kulandela ukukhulumisana leziphathamandla zeZimbabwe ebezikhokhelwa ngumphathintambo wezemali uMnu Tendai Biti.
IZimbabwe ithola limali kulandela ukunikezwa kwayo njalo i US$20 million ngeviki edluleyo ngumanyano weEuropean Union, eyokuncedisa kunhlelo zokuvuselela umnotho.
Ingcwethi ecubungula ezenotho njalo esebenza lenhlanganiso yeZimbabwe Coalition on Debt and Development uMnu Masimba Kuchera utshele uNtungamili Nkomo weStudio 7 ukuthi lanxa imali evele eBotswana le inlutshwana, izancedisa kakhulu ekuvuseleleni ama industry.
