amalinks wokungena

Breaking News

I China Yenzela UMugabe Idili Lokunanza Ukuzalwa Kwakhe


EleChina ngeSonto lenzele uMongameli Robert Mugabe umthimba wokuthakazelela ukuzalwa kwakhe kunyathelo elibikwa litshengisa ubuqotho bobudlelwano phakathi kweZimbabwe leChina.

UMugabe ubonge kakhulu isigodlo seChina eHarare ngokumenzela idili leli esithi ukhangelele ukuthi amazwe womabili aqhubeke esebenzelana kuhle.

Umthimba omkhulu uzaqhutshelwa koBulawayo ngoMgqibelo, njalo kubikwa kuzasetshenziswa imali efika ingxenye yesigidi ukuqhuba lumsebenzi.

Inengi lisola kakhulu ukusetshenziswa kwemali engaka lisithi ngabe isetshenziswe ukuthenga ukudla kunikezwe uzulu olambayo. Kodwa inkinga yikuthi imali le iphuma esikhwameni seZanu PF, hatshi esikahulumende.

Ingcwethi ecubungula ezombusazwe uMnumzana Qhubani Moyo utshele uNtungamili Nkomo ukuthi ukwenzelwa idili kukaMugabe yiChina kuveza sobala ukuthi buya buqina ubudlelwano phakathi kweZimbabwe leChina.

Okuhambelana lalokhu

‚Äč
XS
SM
MD
LG