amalinks wokungena

Breaking News

I-COPAC Kufanele Ilolonge Ugwalo LweDraft Constitution: Matinenga


UMnu. Matinenga uthe iCOPAC kufanele iqede ukulungisa lolugwalo ngolwesihlanu kuyonale iviki, ukwenzela ukuthi ugatsha lwe management committee iluhluze njalo ngoMvulo kuviki ezayo.

Umphathintambo obona ngesisekelo sombuso selizwe uMnu. Eric Matinenga uthi ugwalo lwe Draft Constitution solubuyiselwe kukhomithi yedale lephalande ebona ngokulotshwa kutsha kwesisekelo sombuso eye COPAC ukuthi iluhluzisise.

Ekhuluma leStudio 7, uMnu. Matinenga uthe iCOPAC kufanele iqede ukulungisa lolugwalo ngolweSihlanu kuyonale iviki, ukwenzela ukuthi ugatsha lweManagement Committee iluhluze njalo ngoMvulo kuviki ezayo.

Ungezelele wathi inkokheli zikahulumende womanyano sezalwamukela lolugwalo, okuyilo okukhangelelwe ukuthi elikumumetheyo kuzasetshenziswa ukuqhuba ukhetho olukhululekileyo.

UMnu. Believe Gaule, isiphathamandla se COPAC utshele uSithandekile Mhlanga we Studio 7 ukuthi kumbalwa okudinga ukulungiswa kulolugwalo, waphikisa imbiko ethi lumemethe okungafunwa ngabantu.

Kusenjalo, iCOPAC ihlangene ngolweSithathu eHarare ilolonga amalungiselelo omhlangano omkhulu owe All Stakeholders’ Conference, wona ozandulela imihlangano yezigaba.

XS
SM
MD
LG