Uhlangothi lweZimbabwe National Statistics Agency olwalusaziwa ngokuthi yiCentral Statistical Office luthi isilinganiso sokuwa komnotho welizwe sikhwelile ngenyanga edluleyo.
Uhlangothi lolu luthi i inflation iqonge isuka kusilinganiso phose kokuhlanu ekhulwini-4,8% ngoMabasa yaya kokwedlula kancane okuyisithupha 6,1% ngoNkwenkwezi.
Kungakabunjwa uhulumende womanyano i inflation iqonge yafika kusilinaniso samabillion angamakhulu amahlanu ekhulwini- 500 billion%.
Kodwa yehle kakhulu ngoZibandlela lonyaka ngemva kokuba uhulumende emise ukusetshenziswa kwedollar leZimbabwe.
Umsekeli kamgcinisihlalo weZimbabwe Coalition on Debt and Development, uMnu Masimba Kuchera utshele uNtungamili Nkomo weStudio 7 ukuthi ukuqonga kwentengo yokudla lokunye okutshiyeneyo yikho okubangele ukuqonga kwe inflation.
