amalinks wokungena

Breaking News

I-JOMIC Idingisisa Ngodlakela Oluqhamuke eHarare Ngempelaviki


Inhlanganiso ye Joint Monitoring and Implementation Committee, i JOMIC ithi isadingisisa ngodlakela oluqhamuke eChitungwiza ngempelaviki njalo izahlangana lomkhulu wamapholisa uMnu. Augustine Chihuri ngendlela yokuletha ukuthula elizweni.

Inhlanganiso yeJoint Monitoring and Implementation Committee, iJOMIC ithi isadingisisa ngodlakela oluqhamuke eChitungwiza ngempelaviki njalo izahlangana lomkhulu wamapholisa uMnu. Augustine Chihuri ngendlela yokuletha ukuthula elizweni.

Iziphathamandla zalinhlanganiso ezibalisa uMnu. Patrick Chinamasa webandla leZANU PF, uMnu. Elton Mangoma owecele le MDC elikhokhelwa nguMnu. Morgan Tsvangirai, kanye loNkosikazi Priscilla Misihairambwi Mushonga owecele elikhokhelwa nguMnu. Welshman Ncube, zitshele intathelizindaba eHarare ngolweSithathu ukuthi kufanele amabandla ezombusazwe atshele abalandeli bawo ukuthi atshiyane lodlakela.

UNkosazana Thabitha Khumalo, esinye isiphathamandla se JOMIC, utshele uSithandekile Mhlanga weStudio 7 ukuthi inhlanganiso yakhe ihlangene labakhokheli bamabandla atshiyeneyo eharare ngendlela yokudingisisa ngaloludlakela.

XS
SM
MD
LG