amalinks wokungena

Breaking News

I MDC KaTsvangirai Ikhonona Ngezenzo Zika Mugabe


Ibandla leMDC elikhokhelwa nguMnumzana Morgan Tsvangirai lenze umhlangano weNational Executive yalo eHarare ngolweSine.

Umhlangano lo ubungowokuhlaziya ukubhidlika kobudlelwano phakathi kwalo loMongameli Robert Mugabe kanye lokukhangela okunengi okuhluphayo kuhulumende womanyano.

Isikhulumeli sebandla uMnumzana Nelson Chamisa utshele umsakazo weStudio 7 ukuthi okunye abakhulume ngakho kugoqela udlakela osoluqhamuke elizweni, ukuphuza kohlelo lokulotshwa kwesisekelo sombuso esitsha lokunye okunengi.

UChamisa uthi izinqumo eziphume emhlanganweni wangolweSine zizakwethulelwa uzulu lomhlaba wonke emhlanganweni lentathelizindaba ngolweSihlanu.

UBrenda Moyo weStudio 7 uxhume ingcwethi ecubungula ezombusazwe uMnumzana Paul Siwela othi ibandla leMDC kumele liphume kuhulumende womanyano ngoba lingaqhubeka liphakathi lizahlala likhala kungela ngitsho loyedwa owebandla le ZANU PF ozalalela izikhalazo zalo.

Okuhambelana lalokhu

‚Äč
XS
SM
MD
LG