Inhlanganiso yomanyano wamazwe omhlaba, iUnited Nations ngolweSibili izakwethula okusemthethweni isicelo soncedo lwemali yokuphathisa iZimbabwe ngokudla.
Ugatsha lwale inhlanganiso olwe Office of the Coordination of Humanitarian Affairs lukhangelelwe ukwethula isicelo soncedo enhlanganisweni zomhlaba emahofisini alolugatsha kweleSwitzerland.
Lumanyano uthi ufuna iZimbabwe iphiwe izigidi ezedlula eziyisikhombisa ngoba indlala ibhahile kakhulu lonyaka. Uthi wesabela njalo ukuthi kulakho ukuqhamuka umkhuhlane weCholera ngesikhathi sokuna kwezulu.
Isiphathamandla somanyano wenhlanganiso ezizimeleyo eZimbabwe, iNango, uMnumzana Peter Muchengeti utshele uChris Gande weStudio 7 ukuthi isicelo se UN sizaphathisa kakhulu ngoba ilizwe lisebunzimeni bendlala esabekayo.
