amalinks wokungena

Breaking News

Abampathintambo Abathathu Babamba Umhlangano LeUNDP Ngodaba Lwesisekelo Sombuso


Inhlanganiso ezintathu ezizimeleyo ezisebenzelana lozulu sezibumbe umanyano ozakhangela ukuqhutshwa kohlelo lokulotshwa kwesisekelo sombuso lokuthi lesisisekelo sizavela ebantwini beZimbabwe na.

Inhlanganiso lezi zigoqela eyamagqwetha iZimbabwe Lawyers for Human Rights, ebona ngezokhetho eye Zimbabwe Election Support Network, lekhangela indaba zokuhlukuluzwa kwabantu eye Zimbabwe Peace Project.

Umanyano lo uzakwethula imibiko nyanga zonke yokwazisa uzulu ngohlelo lukahulumende lokulotshwa kutsha kwesisekelo sombuso. Umanyano lo uthi njalo awukasuthiseki ukuthi uhlelo lwalabo abazakuyathapha imobono kazulu abaqoqwe nguhulumende luzaqhutshwa ngendlela esuthisayo.

Kunsuku ezedluleyo uhlelo lukahulumende lolu beselubhekane lendubeko ezimbalwa ezigoqela olokusilela kwemali yokuqhuba lumsebenzi.

Abaphathintambo abathathu abagoqela uMnumzana Welshman Ncube, Elton Mangoma loPatrick Chinamasa, babelomhlangano lenhlanganiso ye United Nations Development Programme wokuxazulula obesekuhlupha kuhlelo lokulotshwa kwesisekelo sombuso ngolweSithathu.

Omunye wabagcinisihlalo bephalamende ababona ngokulotshwa kwesisekelo esitsha uMnumzana Edward Mkhosi utshele uBrenda Moyo weStudio 7 ukuthi udaba lwemali lokunye obekuhlupha solulungisisiwe, njalo bakhangelele ukulobelana phansi isivumelano esitsha lenhlanganiso ye United Nations Development Programme, eyiyo ephathisa loluhlelo ngemali.

Okuhambelana lalokhu

‚Äč
XS
SM
MD
LG