Inani labantu abafuna imithi ehlisa ukumemetheka kwegcikwane leHIV le AIDS emzimbeni, ama Anti-Retrovirals, seliqonge lisuka kunkulungwane ezingamakhulu amathathu 350 000 ledlula kunkulungwane ezingamakhulu amahlanu 570 000.
Lokhu kubikwa yinhlanganiso yeZimbabwe National Aids Council. Inani leli liqonga nje ngoba inhlanganiso ye World Health Organisation isibeke iziqondiso ezintsha ezithi abantu asebetholakele bele HIV sokumele baqale ukunatha imithi yama ARV iCD4 count yabo iku 350.
Eminyakeni edluleyo abantu bebeqala ukunatha imithi iCD4 count ingehla ibeku 200.Iziqondiso ze W-H-O lezi zibikwa zizasinda ugatsha lwezempilakahle ngoba kulokusilela kwemithi yama ARVS.
UBrenda Moyo weStudio 7 uxhume olwela ilungelo lasebephila legcikwane lengculaza uMnumzana Bernard Nyathi okhala ngokuthi eZimbabwe akula mitshina yama CD4count.
Ubrenda uphinde waxhuma uDokotela Samukeliso Dube ingcwethi kugcikwane le HIV le AIDS ochasisa okutshiwo yisinqumo se WHO sokuthi asebephila legcikwane kumele baqale ukuthatha imithi yama ARVS masinyane.
