amalinks wokungena

Umanyano We W-H-O Ithi Ikhangelele Ukuthi Abantu Abafika 15 Million Befinyelele AmaARVS Ngo2015

  • Sithandekile Mhlanga

Ekuqhubekeni kweStudio 7 ilethulela indaba eziphuma emhlanganweni we 2012 AIDS International Conference owenzelwa khonapha eWashington D.C., inhlanganiso ye World Health Organization ithi abantu abangaba yizigidi eziyisitshiyangalombili-8 million emhlabeni jikelele sebesenelisa ukufinyelela amaphilisi okulwisana lomkhuhlane wengculaza, njalo inani leli lingaqonga lifike kuzigidi ezilitshumi lanhlanu ngomnyaka ka 2015.

Ekuqhubekeni kweStudio 7 ilethulela indaba eziphuma emhlanganweni we 2012 AIDS International Conference owenzelwa khonapha eWashington D.C., inhlanganiso ye World Health Organization ithi abantu abangaba yizigidi eziyisitshiyangalombili-8 million emhlabeni jikelele sebesenelisa ukufinyelela amaphilisi okulwisana lomkhuhlane wengculaza, njalo inani leli lingaqonga lifike kuzigidi ezilitshumi lanhlanu ngomnyaka ka 2015. Kubika uSithandekile Mhlanga weStudio 7 obekhona ngelanga lesine lalumhlangano.

Silokhu sisendabeni eziphathelane lengculaza, osetshiya isikhundla sokuba ngummeli weMelika eZimbabwe uMnu Charles Ray, uthi uhulumende welizwe lakhe uthembisa ukwengeza uncedo lwemali yokuphathisa ekuthengeni imithi yokuvimba ukumemetheka kokuthelelanwa kwegcikwane leHIV eZimbabwe ngesilinganiso sokungamatshumi ayisithupha ekhulwini-60% phansi kwesikhwama sePEPFAR.

Ekhuluma emkhosini wokuvalelisana labezindaba beZimbabwe eHarare ensukwini ezisnda kwedlula osetshiya isikhundla sokumela ilizwe lakhe eZimbabwe uRay uthe lolu ncedo luzakhweza uncedo lwemali ethe yafakwa enhlweni zeHIV/AIDS kuzigidi phose zilikhulu zamadollar-$92 million. Kubika uMavis Gama eseHarare.

Kolunye udaba njalo lwezempilakahle olwethulwe nguMavis Gama intathelizindaba yeStudio 7 ingcwethi kwezempilakahle zibikwa zisithi ubaba munye phakathi kwabahlanu abensundu ulakho ukuhlaselwa yimvukuzane ye “Prostate Cancer”. Lezingcitshi ziveza njalo ukuba limvukuzane ingavamanga ukuhlasela obaba abaleminyaka engaphansi kwengamatshumi amahlanu.

XS
SM
MD
LG