Umqondisi weZimbabwe Broadcasting Corporation uMnumzana Happison Muchechetere ngolweSibili wazise ukuthi ilizwe selizathola umsakazo weTelevision wesibili phansi kwesibaya se ZBC.
UMuchechetere uthi umsakazo we Television lo uzaqala ukusebenza esikhathini esingaphansi kwenyanga eyodwa, njalo ukhangelelwe ukuba ngumsakazo ozalethela iZBC inzuzo ephezulu.
Umbiko lo uza ngesikhathi lapho uzulu elizweni ekhangelele ukuthi uhulumende anxuse bonke abafuna ukungena kwezokusakaza ukuthi badinge ama licence.
UMnumzana Njabulo Ncube ngumsekeli kamgcinisihlalo wenhlanganiso ye Media Institute of Southern Africa – iMISA Zimbabwe. UNcube utshele uBrenda Moyo oweStudio 7 ukuthi uzulu weZimbabwe ukhangelele ukuthi uhulumende alethe inguquko yoqobo kwezokwethulwa kwemibiko lezokusakaza elizweni, ngokuvumela abanye ukuvula imisakazo, lamaphephandaba azimeleyo.
