amalinks wokungena

Breaking News

I ZEC Ithi Sizilungiselele Ukuqhuba Ukhetho


Ikomishini ebona ngokuqhutshwa kokhetho eyeZimbabwe Electoral Commission ithi isilungele ukuqhuba ukhetho yiloba yisiphi isikhathi esingahlelwa nguMongameli Robert Mugabe.

Lanxa umgcinisihlalo wekomishini le, uMnu Simpson Mutambanengwe eveze kunyanga ezimbalwa ezedluleyo ukuthi kabalamali yokuqhuba ukhetho, esinye isiphathamandla salikomishini sithi konke sokulungile, osokusele nje yikuthi uMugabe atsho ukuthi lwenziwe nini.

Osaphethe isikhundla sikaMutambanengwe uNkosikazi Joyce Kazembe nguye oyethule limbiko ekhuluma lephephandaba le Herald ngoLwesithathu.

Umphathintambo wezemali uMnu Tendai Biti yena uthi kufuneka imali engangezigidi ezingamakhulu zamadollar eMelika- US$200 million yokuqhuba ukhetho.

UMugabe wazise ngeviki edluleyo ukuthi ufuna kwenziwe ukhetho ngomnyaka ozayo, wathi kalasifiso sokuthi uhulumende womanyano eqhubeke ekhona isikhathi sakhe singaphela ngoNhlolanja.

Abanye bathi imbiko yeZEC ilakho ukukhuthaza amabandla ezombusazwe ukuthi eqalise ukukhankasela ukhetho, okuyinto elakho ukubangela udlakela elizweni.

Kusenjalo, ikomidi ebona ngokulotshwa kutsha kwesisekelo sombuso ithi uhlelo lolu luyabe lungakaphelisisi ngesikhathi okufanele kwenziwe ngaso ukhetho.

UNkosikazi Gladys Dube-Gombami, isiphathamandla se Copac, utshele uSithandekile Mhlanga we Studio 7 ukuthi kufanele kusetshenziswe isisekelo sombuso esitsha hatshi eseKariba Draft kumbe esinye ukuqhuba ukhetho olukhululekileyo.

‚Äč
XS
SM
MD
LG