Uhlelo lokuthi uzulu akhuphe imbadalo kagetsi engakamsebenzisi, olwama pre-paid meters lubikwa lokhu ludonsela emuva ngoba inkampani yezamandla kagetsi eye ZESA isisithi isaqhubeka idinga einye inkampani ezayilungisela limitshina iyithengisele.
Umabhalani omkhulu wogatsha olubona ngokwethulwa kukagetsi uMnu. Justin Mupamhanga utshele ikomiti yedale lephalamende ebona ngokwethulwa kukagetsi ukuthi imbangela yikuthi inkampani ebivunyelwe ukuqhuba lumsebenzi ithi ayizukuthengisela i ZESA limitshina kodwa izamboleka nje kuphela.
Ikomiti le ibikwa itshengise ukukhathazeka ngokudonsela emuva kwaloluhlelo isithi inkampani yeZESA yathembisa ukugqhiba uhlelo lwama pre-paid meters umnyaka ungakapheli.
Ukuze sihlaziye loludaba, uSithandekile Mhlanga weStudio 7 uxoxe loMnu. Ambrose Sibindi isiphathamandla se Bulawayo Progressive Residents Association ehlezi itshengisela ngaloludaba.