amalinks wokungena

Breaking News

I ZESN Yamukela Inguquko Kwezokuvota Kwamapholisa


Inhlanganiso ecubungula okuphathelane lokuqhutshwa kokhetho iZimbabwe Election Support Network ithi iyajabula ngenguquko esilethwe nguhulumende womanyano phezu kodaba lokuvota kwamapholisa.

Phansi kwalinguquko amapholisa kasoze abe esavunyelwa ukusa amavoti awo ngeposo, i Postal Balloting.

Kodwa osokuzakwenziwa kathesi yikuthi amapholisa azavunyelwa ukuvota ekhangelwe ngamalunga eZimbabwe Electoral Commission sokusele insuku ezimbili ukubana ukhetho lwenziwe.

Amapholisa azavunyelwa ukuthumeza amavoti awo ngeposo yilawo ayabe esebenzela ephandle kwelizwe kuphela. Amapholisa kasoze abe esavunyelwa njalo ukuba phakathi kwezititshi zokuvotela nxa uzulu evota.

Kodwa usikomitshi wamapholisa uMnu Augustine Chihuri ubikwa esala ukwamukela yonke linguquko.

Esikhathini esedluleyo amapholisa abikwa abevota ekhangelwe yiziphathamandla zawo, zona ebezibikwa njalo ziwabamba ngamandla ukuthi avotele iZanu PF.

Umqondisi weZESN esabelweni seMandebeleni uMnu Ndodana Ndlovu utshele uNtungamili Nkomo weStudio 7 ukuthi iyajabulisa inguquko uhulumende afuna ukuyiletha phezu kokuvota kwamapholisa lokhu.

‚Äč
XS
SM
MD
LG