Abakhokheli bamazwe akumanyano weCommonwealth bazahlangana eTrinidad ngolweSihlanu bekhulumisana ngendaba ezitshiyeneyo ezigoqela udaba lokuthi iZimbabwe yamukulwe na nxa ifuna ukuphenduka njalo ibe lilunga lomanyano lo.
UMongameli Mugabe ukhipe eleZimbabwe kuCommonwelath ngomnyaka ka2003 kulandela ukuxabana kwakhe lamalunga omanyano lo phezu kombuso wakhe omubi.
Imbiko esiyamukeleyo iveza ukuthi eleBhilithani ngelinye lamazwe afuna ilizwe leZimbabwe libuyele kunhlanganiso yeCommonwealth ibe lilunga elipheleleyo.
Umphathintambo obona ngokwenzakala ewofisini kaMnu Morgan Tsvangirai, uMnu Gorden Moyo utshele untungamili Nkomo weStudio 7 ukuthi kungaba kuhle kakhulu nxa iZimbabwe ingabuyela kumanyano lo, esithi ukuphuma kwayo kubangele ukuthi ilahlekelwe kakhulu kunhlelo zentuthuko.
