amalinks wokungena

Breaking News

I-Zimbabwe Lawyers for Human Rights Ithi Umthethwandaba Waphezulu Udonsela Emuva Ngabomo Kudaba Lokubotshwa kwenkokheli YeWOZA


Ababili laba lokhu bevalelwe entolongweni ye Mlondolozi koBulawayo ngemva kokwetheswa icala lokuthumba owesifazana kanye lokuntshontsha isibane sethotshi ngenyanga ka Ntulikazi.

Amagqwetha amela inkokheli yamalunga e Women of Zimbabwe Arise (WOZA) uNkosikazi Jenni Williams loNkosazana Magodonga Mahlangu ababotshwe ngeviki edluleyo betshengisela athi umthethwandaba waphezulu udonsa ngabomo ukwethula isinqumo ngaloludaba.

Ababili laba lokhu bevalelwe entolongweni ye Mlondolozi koBulawayo ngemva kokwetheswa icala lokuthumba owesifazana kanye lokuntshontsha isibane sethotshi ngenyanga ka Ntulikazi.

Igqwetha labo uMnu. Lizwe Jamela owe Zimbabwe Lawyers for Human Rights utshele istudio 7 ukuthi ihofisi ka Registrar General lamuhla ibazise lamuhla ukuthi umthethwandaba waphezulu ulokhu ungakethuli isinqumo ngaloludaba.

Kusenjalo, inhlanganiso elwela ilungelo loluntu emhlabeni jikelele eye Freedom House elesigodlo khonapha eMelika ikhuphe umbiko isola ukubotshwa kwenkokheli ye WOZA kanye lokwephulwa kwelungelo loluntu eZimbabwe, okulokhu kuqhubeka.

Ngakwelinye icele, uNkosikikazi Linette Karenyi-Kore, isiphathamandla sogatsha lwabesifazana kucelele le MDC elikhokhelwa nguMnu. Morgan Tsvangirai utshele iStudio 7 ukuthi ugatsha lwakhe luyakhathazeka ngokubotshwa kuka Mahlangu lo Williams njalo bafuna bakhululwe ngokutshetsha.

Kusenjalo, umthethwandaba kamantshi eLupane lamuhla ufumane uNkosazana Florence Ndlovu, isiphathamandla se Zimbabwe Human Rights Association (ZIMRIGHTS) engelacala lokuthuka amapholisa kulandela ukubotshwa kwakhe ngoNkwenkwezi eNyamandlovu ngemva kokuqhuba umhlangano lezakhamizi eLupane.

UNkosazana Ndlovu utshele uSithandekile Mhlanga weStudio 7 okwenzakale emthethwandaba wangezelela ngokuthi uyakhathazeka ngendlela amapholisa abaphatha ngayo yena kanye lalabo ayebotshwe labo abakhululwayo.

XS
SM
MD
LG