Amalunga lenkokheli yebandla le MDC 99, elikhokhelwa nguMnu. Job Sikhala afole ngoMvulo afika emahofisini kaMongameli Mugabe atshiya amaphephatshana alotshwe ukuthi uMugabe kasuke esihlalweni.
Akubotshwanga muntu kodwa inkokheli yalelibandla ithi isidingwa ngamapholisa.
USikhala utshele iStudio 7 ukuthi ukutshengisela kwabo kuzaqhubekela phambili kwamanye amadolobho kunsukwana ezilandelayo.
UChris Gande weStudio 7 uxoxe lesiphathamandla salelibandla, uMnu. Gideon Magadzire ochasisa ngokwenzakale ekufoleni kwabo ngoMvulo.