Inkokheli yebandla elisanda kubunjwa ele Mthwakazi Liberation Front iqhube umhlangano eJohannesburg ngempelaviki yethula isinqumo sokuqala ukubumba uhulumende ozabusa izabelo zeMandebeleni le ngxenye yeNkabazwe kusukela ngoZibandlela ngomnyaka ozayo.
Iziphathamandla zebandla le Mthwakazi Liberation Front zivumelene ukuthi izabelo zombili zeMandebeleni kanye lengxenye yeNkabazwe kufanele zibe yilizwe elizimeleyo elibizwa ngokuthi Mthwakazi Republic kusukela ekuqaleni komnyaka ozayo.
Ekhuluma le Studio 7 ngemva komhlangano wenkokheli yebandla, isikhulumi salo uMnumnzana David Magagula uthi leli bandla selendlale zonke inhlelo ezizakhokhelela ukuthi uhlelo lokubunjwa kwelizwe elitsha leli lube seluphelile kusiyafika umhlaka 31 Mpalakazi lonyaka.
