Idale leZanu PF Politburo, lona elihlangane ngoLwesithathu lihlafuna indaba ezitshiyeneyo ezigoqela ukulwisana okukhona phakathi kwebandla leli, seligcizelele ukuthi ukhetho kumele lwenziwe lonyaka.
Isikhulumeli seZanu PF uMnu Rugare Gumbo utshele intathelizindaba ngemva kwalumhlangano ukuthi ibandla leli lifuna uhlelo lokulotshwa kwesisekelo sombuso luqedwe ngokuphangisa ukuze kuyiwe kukhetho lonyaka.
UGumbo uveze njalo ukuthi iPolitburo ilaye zonke izabelo zeZanu PF ezingaqhubanga kuhle ukhetho, ukuthi ziqhube kakutsha kukhethwe abantu abamukelwa libandla.
Ukuhlaziya udaba lokudonselana kuZanu PF uNtungamili Nkomo weStudio 7 uxhume ingcwethi ezicubungula ezombusazwe uMnu Nkululeko Sibanda loMnu Liberty Bhebhe bona abathi alusoze lubekhona lonyaka ukhetho.
