Ibandle leZanu PF selibumbe iqula elizabhoda ngelizwe lichasisela abasekeli balo ukuthi kungani lidilize ingatsha zalo zamaDistrict Coordinating Commitees.
Ibandla leli lithethe lelinyathelo ngoLwesihlanu olwedluleyo lisithi lokhu kuzaphathisa ekuqedeni ukulwisana osokulidabule phakathi.
Isikhulumeli seZanu PF, uMnu Rugare Gumbo utshele iStudio 7 ukuthi uMnu Dydimus Mutasa nguye ozakhokhela leliqula, lona athi lizaqala umsebenzi kusikhatshana esizayo.
Kodwa ingcwethi kwezombusazwe zithi lelinyathelo alisoze liqede ukudonselana okukhona kubandla ngoba iziphathamandla eziphezulu kuyizo ezilwisanayo hatshi abasekeli abaphansi.
Enye yalezi ngcwethi, uMnu Brilliant Mhlanga uthi ukudonselana lokhu kubangelwa nguMongameli Robert Mugabe njalo ukuze kuphele, kumele esuke esikhundleni sakhe.
