amalinks wokungena

Breaking News

Ibandla leZAPU Liqinisa Amakomiti Alo Ngaphambilini Kokhetho Oluzayo


Abanye abakhethelwe izizikhundla bagoqela oMnumzana Musavengana Talwa we Masvingo, Llyod Nyakabangwe we Mashonaland West, kanye lo Jeremia Macelegwana Khabo we Matabeleland North.

Ibandla leZAPU lithi seliqinisa amalungiselelo okhetho ngokuguqula inkokheli yamakomiti aqakathekileyo kulelibandla, agoqela eye National People’s Council, eyiyo eqoqa izinqumo eziqakathekileyo zebandla.

Embikweni osanda kwethulwa, isikhulumi salelibandla uMnu. Methuseli Moyo uthi sokukhethwe usomabhizimusi uMnu. Isaac Mabuka ukuthi abe ngumgcinisihlalo we National People’s Council, njalo kwakhutshwa amanye amalunga abonakala ebuyisela lelibandla emuva.

INational People’s Council ixotshe isiphathamandla salelibandla uMnu. Canciwell Nziramasanga ngenxa yokungaziphathi kuhle yaphinda yanika amanye amalunga alelibandla izikhundla eziqakathekileyo.

Abakhethelwe izizikhundla bagoqela oMnumzana Musavengana Talwa we Masvingo, Llyod Nyakabangwe we Mashonaland West, kanye lo Jeremia Macelegwana Khabo we Matabeleland North.

Lokhu kwenzakala imbiko ephuma ebulenjini bama Wiki Leaks isithi ezinye inkokheli zenhlanganiso ezizimeleyo zithi ibandla leli alilasekelo olukhulu njalo amalunga alo ngabantu abakhubeka kubandla le ZANU PF, abangalambono eqinileyo, belicaza ngesilungu ngokuthi "Party of disgruntled old men from ZANU PF."

Kodwa uMnu. Effie Dlela-Ncube, ingcwethi ecubungula ezombusazwe, utshele uSithandekile Mhlanga weStudio 7 ukuthi wonke amabandla alethuba elifanayo ekutholeni usekelo olunengi ebantwini.

XS
SM
MD
LG