Impumela yemidlalo yeviki lesithupha yesigaba se Premier Soccer League iveza ukuba iqembu le Bantu Rovers lidonsa nzima emidlalweni yalonyaka njengoba kuyilo elijeke ingalane yemiklomelo lilomklomelo owodwa zwi.
I Bantu Rovers kanye le Black Mambas yiwo womabili amaqembu angazake anqobe selokhu kuqale imidlalo yalonyaka yePSL, njalo abacubungula umdlalo kanobhutshuzwayo bathi lawa maqembu alakho ukuba ngamanye amaqembu angalahlekelwa lilungelo lokudlala esigabeni saphezulu ekupheleni komnyaka.
Ingcitshi lezi zithi umqeqetshi we Mambas u John Toto Ncube ulakho ukuba ngumqeqetshi wakuqala ukulahlekelwa ngumsebenzi njengoba yena ephethe iqembu elingelinye lamaqembu amalutshwane akuleli athola usekelo lwemali lwamankampani aphathisa kwezemidlalo.
I Bantu Rovers ngelinye lamaqembu amabili angazake anqobe lokhe imidlalo yalonyaka yePSL isungulweyo
