amalinks wokungena

Breaking News

Ibhanga leCABS Letheswa Icala Lokungabeli Kahle Imali yeDIMAF


Ibhanga elaphiwa umthwalo wokwaba imali yesikhwama sokuphathisa amankampani aphakathi kobunzima, iCABS, ithi isiqalisile njalo ukwaba limali kodwa ukukhonona lokhu kusiya phambali ngabathi lelibhanga liyabandlulula.


Lelibhanga lithi seliphathise amankampani alitshumi, phakathi kwangamatshumi phose amahlanu-49 acela uncedo selokhu lesi sikhwama sasungulwa kunyanga phose ezilitshumi ezedluleyo.
Umphathintambo wezamafekitali, uMnu. Welshman Ncube utshele intathelizindaba ukuthi ibhanga le CABS kalifuni ukulandela izingqumo zikahulumende ukuze lesi sikhwama siphumelele.


Imizamo yokukhulumisana leziphathamandla zebhanga leCABS yehlule.


Kodwa inhlanganiso ezinengi ezivela koBulawayo zivumelana loNcube zisithi isikhwama lesi kasiphathisi amankampani akoBulawayo.


UMnu. Mbuso Fuzwayo isikhulumeli senhlanganiso yeIbhetshu Likazulu utshele uChris Gande we Studio 7 ukuthi kumele uhulumende adinge elinye ibhanga elizasebenza ngcono.


Okuhambelana lalokhu

XS
SM
MD
LG