Uhlangothi olubona ngezokwethulwa kwembiko olwe Broadcasting Authority of Zimbabwe selwazise ukuthi luzakupha amalayisensi imisakazo elitshumi lane. Embikweni eyethule kuphephandaba le Sunday Mail iBAZ ithi izakupha amalayisensi la kumisakazo esendaweni ezitshiyeneyo zelizwe. Abafuna ukusakaza bazamele bahlawule amadollar azinkulungwane ezimbili lengxenye, i$2 500 engasoze ibuyiselwe nxa ungayitholanga li license.
Kuzokuba lamanye amadola azinkulungwane ezedlula isikhombisa eyokubhalisa. Kuthi nxa uthe wayiphiwa ilicense kuyamele ubhadale amadola azinkulungwane ezingamatshumi amahlanu, i $50 000.
Lokhu kwenzakala nje inhlanganiso ye MISA-Zimbabwe isilobele uMongameli Mugabe lenhloko kahulumende, uMnu. Morgan Tsvangirai ukuthi bafuna iBAZ idilizwe ibunjwe kakutsha ilamalunga angasekeli hlangothi. Lokhu kulandela ukupha amalayisensi amankampani amabili asekela iZanu PF okwenziwe yiboard le ngeviki edluleyo.
UChris Gande weStudio 7 uxoxe lengcwethi kwezokwethulwa kwembiko njalo eyisiphathamandla se Radio Dialogue, uMnu. Zenzele Ndebele opha imbono yakhe.