Icele leMDC elikhokhelwa nguMnu. Morgan Tsvangirai lithi lizakwamukela ngezandla zombili obeyisiphathamandla sebandla leZANU PF uNkosikazi Tracy Mutinhiri nxa efuna ukungena kwelabo ibandla ngoba exotshelwe ukuziphatha kuhle elandela imicabango yakhe libandla leZANU PF.
Ezinye izizatho ezixotshelwe uNkosikazi Mutinhiri kubandla lakhe zibikwa zigoqela ukuthi wavotela uMnu. Lovemore Moyo, isiphathamandla seMDC ekhokhelwa nguMnu. Tsvangirai endaweni yokuthi avotele uMnu. Simon Khaya Moyo, isiphathamandla seZANU PF njengalokhu okwakukhangelelwe libandla lakhe kukhetho lokudinga umlawuli wedale lephalamende.
Umsekeli kamqoqi wenhlelo kucele leMDC elikhokhelwa nguMnu. Abednico Bhebhe, utshele uSithandekile Mhlanga we Studio 7 ukuthi balesifiso sokuthi uNkosikazi Mutinhiri eze labasekeli bakhe kubandla labo.