Amalunga ecele le MDC elikhokhelwa nguMnu. Morgan Tsvangirai lokhu ephakathi kokukhetha amabizo abantu abazancintisa kuzikhundla ezimqoka zenkokheli yalelibandla emhlanganweni wawo weCongress ekupheleni kwayonale inyanga koBulawayo. UMnu. Tsvangirai ubikwa ezagcina esakhe isikhundla.
Lanxa imisakazo lenengi lamaphephandaba kanye lezinye iziphathamandla zalelibandla sezilamabizo alabo okuthiwa bazancintisa, isikhulumi salelibandla uMnu. Nelson Chamisa uthi amabizo la azakhutshwa ngokusemthethweni ngoLweSihlanu uhlelo lolu soluphelile.
Kusenjalo, uMnu. Thembinkosi Sibindi isiphathamandla salelibandla eMatabeleland North utshele uSithandekile Mhlanga weStudio 7 ukuthi esakhe isigaba sesiqedile ukukhetha esifuna bancintise kuCongress, lanxa engathandanga ukubabetha ngamagama.