Icele le MDC elikhokhelwa nguMnu. Welshman Ncube liqhube umhlangano omkhulu we rally e Maboleni e Lower Gweru lamuhla, lapho ibandla leli eliqhubekele phambili ngokukhankasela ukhetho oluzayo kanye lokwethulela abantu inkokheli eyakhethwa yicongress yalelibandla.
Isikhulumi salelibandla uMnu. Nhlanhla Dube utshele iStudio 7 ukuthi ibandla lakhe lizaqhuba omunye njalo umhlangano omkhulu e Silobini e Mzingwane kusasa, kukanti eminye imihlangano yama rallies eqhutshwe eMashonaland le Manicaland ikhomba sobala ukuthi ibandla lakhe lilosekelo olukhulu.
UMnu. Edwin Ndlovu isiphathamandla salelibandla utshel uSithandekile Mhlanga weStudio 7 ukuthi intathelizindaba zijwayele ukuloba ukuthi umkhokheli walelibandla uMnu. Welshman Ncube uchothoza inkokheli zamanye amabandla kodwa zingabhali inkulumo ezimqoka eziyabe zikhulunyiwe ezokuthuthukisa ilizwe.
