amalinks wokungena

Breaking News

Icele leMDC Lihlaziya Ukhetho Lokuding Inkokheli


Icele leMDC elikhokhelwa nguMnu. Morgan Tsvangirai libe lomhlangano wokuhlaziya okumayelana lokhetho lokudinga inkokheli oselwenziwe ezigabeni ezitshiyeneyo zelizwe.

Lelibandla litshele intathelizindaba eHarare ukuthi selibuyisele ngelanga elilodwa umhlangano walo we Congress ozenzelwa koBulawayo kusukela mhlaka 28 yonale inyanga uphele mhlaka 30 ukwenzela ukuthi abasekeli benelise ukuthakazelela ilanga lezisebenzi mhlaka 1 wenyanga ezayo.

Isikhulumeli salelibandla, uMnu. Nelson Chamisa utshele iStudio 7 ukuthi ukhetho ezigabeni ezithi Bulawayo, Masvingo, Mashonaland Central le Manicaland luzenziwa. UMnu. Chamisa uthe ibandla lakhe lizaphuma lesinqumo sokuthi ababangela udlakela ebandleni lakhe benziweni. Obengusibalukhulu wohlangothi lwabesifazane kubandla leli eLupane, uNkosikazi Sibonginkosi Mathe utshele iStudio 7 ukuthi esigabeni seMatabeleland North ibandla selidabuke phakathi kubangwa izikhundla phambilini komhlangano weCongress.

XS
SM
MD
LG