amalinks wokungena

Breaking News

Elinye Icele leZCTU Liqoqa Ukutshengisela NgoLwesithathu


Elinye icele lenhlanganiso yezisebenzi, iZCTU, elikhokhelwa nguMnu. Lovemore Matombo lithi ngoLwesithathu amalunga alinhlanganiso azatshengisela ezitaladeni elizweni lonke ekhonona ngeholo eliphansi kakhulu.

UMatombo utshele intathelizindaba eHarare ngoMvulo ukuthi bafuna ukuthi izisebenzi zengezelelwe imali efika kuleyo ethiwa zingcwethi kwezenotho ingenelisa ukuphilisa imhuli ngenyanga, engamakhulu edlula kancane amahlanu amadollar- $520.

Kodwa elinye icele elikhokhelwa nguMnu. George Nkiwane lithi kalisoze litshengisele. UChris Gande weStudio 7 uxoxe lonobhala jikelele walelicele, uMnu. Japhet Moyo ukuze sizwe okunengi ngaloludaba.


Ngakelinye icele umqondisi wenhlanganiso yezakhamizi, iProgressive Bulawayo Residents’ Association, uMnu. Roderick fayayo utshele iStudio 7 ukuthi loluhlelo kalusoze luphumelele ngoba inengi lezisebenzi livele lingaqatshwanga lizisebenzela imisebenzi yokuziphilisa.

​
XS
SM
MD
LG