Umhlangano omkhulu webandla le ZANU PF owe Congress ukhangelelwe ukuqalisa ngolweSithathu njalo iPolitburo yalelibandla isivumelene lokhetho olwenziwe ezigabeni zonke zelizwe ngamalunga alalebandla, olube lempumela yokusekela uMongameli Robert Mugabe ukuthi aqhubeke enguye ozamela lelibandla kukhetho lokudinga umongameli oluzayo, njalo loNkosikazi Joyce Mujuru aqhubeke emsekela.
Ezinye njalo izikhundla ezikhangelelwe ukuthi zivunyelwane, ngesika mngcinisihlalo walelibandla, kanye lesika muyi uMnu. Joseph Msika, esokuba ngumsekeli wesibili ka mongameli, ezikhangelelwe ukuthathwa nguMnu. Simon Khaya Moyo lo Mnu. John Nkomo ngokulandelana kwabo.
UMnu. Rejoice Ngwenya ingcwethi ecubungula ezombusazwe, utshele uSithandekile Mhlanga we Studio 7 ukuthi akusoze kuphikiswane ngesikhundla sika Mugabe.