Ikhomithi yedale lephalamende ebona ngokulotshwa kutsha kwesisekelo sombuso eye COPAC ithi iqhubekela phambili ngamalungiselelo omhlangano wayo omkhulu oweRetreat eNyanga ngeNsonto. lumhlangano ujonge ukuxazulula ingxaki ezisaseleyo ekuphutshiseni ukulotshwa kwesisekelo sombuso esitsha.
Inengi lesabela ukuthi kuzaqhutshwa ukhetho ugwalo lwesisekelo sombuso lungakalotshwa njalo lwavunyelwana ngenxa yokuphikisana kwamabandla ezombusazwe ngokufanele kumunyathwe yilolugwalo.
Ukuhlaziya loludaba, uSithandekile Mhlanga weStudio 7 uxoxe loMn. Effie Dlela-Ncube ingcwethi ecubungula ezombusazwe njalo engumqondisi wenhlanganiso ye Matabeleland Constitutional Reform Agenda, yena ogcizelela ukuthi kufanele amabandla ezombusazwe elandele imbono eyaqoqwa ebantwini.