Ikomidi yedale lephalamende ebona ngokulotshwa kutsha kwesisekelo sombuso, I COPAC, ithi ifuna uhulumende ayengezelele imali yokusebenzisa kuhlelo lokulotshwa kutsha kwesisekelo sombuso ukwenzela ukuthi luphutshe kungakafiki inyanga ka Mpandula okungaqhutshwa ngayo ukhetho lwe Referendum.
UMnu. Douglas Mwonzora, omunye wabagcinisihlalo be COPAC, utshele intathelizindaba eHarare ukuthi imali edlula izigidi eziyisikhombisa eyaphiwa likomidi nguhulumende ayeneli ngakho kufuneka yengezelelwe ukwenzela ukuthi ukhetho oluzayo luqhutshwe kulandelwa isisekelo sombuso esitsha.
UMnu. Alois Dzvairo, ingcwethi ecubungula ezombusazwe, njalo engu mgcinisihlalo wabatsha kunhlanganiso ebona ngokulotshwa kutsha kwesisekelo sombuso, eye National Constitutional Assembly utshele uSithandekile Mhlanga we Studio 7 ukuthi amabandla akuhulumende womanyano awafuni ukuthi uhlelo lokulotshwa kutsha kwesisekelo sombuso luphumelele.