Ikomiti yedale lephalamende ebona ngokulotshwa kutsha kwesisekelo sombuso eye COPAC ithi uhlelo lolu luqhubeka kuhle ngoba sokuphutshisiwe ihlandla lokuhlanganisa imbono yabantu eyaqoqwa ezigabeni zonke zeliwe njalo sokulungiselelwa ukulotshwa umbiko we National Report.
UMnu. Believe Gaule, omunye weziphathamandla ze COPAC uthi i National Report le izasetshenziswa kusigaba se drafting, esandulela umhlangano we All Stakeholders’ Conference, ngaphambilini kokhetho lwe refrendum.
UGaule utshele uSithandekile Mhlanga weStudio 7 ukuthi ingxaki ebezimisa umsebeni lo okungapheliyo, ezigoqela ukudonselana phakathi kwamabandla ezombusazwe kanye lokuswelakala kwemali sezinganeno.