Iziphathamandla ze komidi yedale lephalamende ebona ngokulotshwa kutsha kwesisekelo sombuso, eye Copac, zithi zesabela ukuthi zingehluleka ukuqhuba imihlangano ekhangelelwe ukwenziwa eHarare ngempelansonto ngenxa yengxaki ezithile, ezigoqela ukweswelakala kwemali lodlakela olwesatshelwa ukuthi lungaqhamuka.
isigaba seHarare yiso esingakaphutshisi imihlangano le kulandela udlakela olwaqhamuka ngenyanga edluleyo kuqoqwa imbono kazulu ngaphansi kwaloluhlelo, njalo kukhangelelwe ukuthi imihlangano le iqhutshwe ngempelansonto.
UNkosikazi Beatrice Ngwenya, isiphathamandla se Combined Harare Residents Association, utshele uSithandekile Mhlanga weStudio 7 ukuthi izakhamizi zalelidolobho sezinqume ukuzivikela kungaqhamuka udlakela ngoba amapholisa engazincedi.