amalinks wokungena

Breaking News

Bonke Ababotshwe Emthandazweni WangempelaNsonto Edluleyo Sebekhululwe


uMnu. Shakespear Mukoyi owabotshwa kulandela udlakela olwaqhamuka emthandazweni owawuqoqwe yinhlanganiso ye Christiance Alliance ngempelaviki ukhululwe lamuhla ezandleni zamapholisa .

Isiphathamandla secele le MDC elikhokhelwa nguMnu. Morgan Tsvangirai, uMnu. Shakespear Mukoyi obotshwe kulandela udlakela oluqhamuke emthandazweni oqoqwe yinhlanganiso ye Christiance Alliance ngempelaviki edluleyo, ukhululwe ngoLwesithathu njalo ukhangelelwe ukumiswa phambi komthethwandaba ekupheleni kwayonale inyanga.

UMukoyi labanye abalitshumi lambili abakhululwe kuthange betheswa icala lokubangela udlakela kulumthandazo. Kodwa igqwetha lakhe uMnu. Marufu Mandevere utshele iStudio 7 ukuthi umthethwandaba uswele ubufakazi bokuthi uMukoyi utshaye ipholisa ngoba lingela manxeba. Amapholisa wona abikwa esithi umhlangano lo ubu ngowezombusazwe njalo abakade bewuqoqile, abagoqela amabandla ezombusazwe, bacatsha ngomunwe ukuthi ubungumthandazo nje.

UNkosazana Annastacia Moyo, umsekeli kamgcinisihlalo wenhlanganiso ye Crisis in Zimbabwe Coalition, engenye yenhlanganiso ezizimeleyo ezincedise ukuqoqa lumhlangano utshele uSithandekile Mhlanga we Studio 7 ukuthi kube kuvele kungafanelanga ukuthi amapholisa abophe lababantu ngoba bengelacala.


XS
SM
MD
LG