Amalunga edale lephalamende ele European Union sekhuthaze inkokheli yalumanyano ukuthi ingaze yemukela uNkosikazi Margaret Muchada ukuba ngumeli weZimbabwe ku EU ngoba ekhethwe nguMongameli Mugabe ngaphandle komthetho.
Inkuthazo le iza ngemva kokuba uTsvangirai elobele abe EU, abe United Nations labamazwe agoqela iSouth Africa, Switzerland, Italy leSweden ebazisa ukuthi abameli beZimbabwe abathunyelwe nguMongameli Mugabe bakhethwe ngaphandle komthetho.
Ngalokhu uTsvangirai uthi abantu laba kabameli eleZimbabwe. I EU ngoLwesithathu ithe ikhathazeke kakhulu ngokwenza kukaMugabe njalo inkuthazo yamalunga edale layo ingaba ikhomba ukuthi ngempela kayisoze yamukele uNkosikazi Muchada njengomeli weZimbabwe.
