amalinks wokungena

Idale leCabinet Lehluleka Ukuhlaziya Udaba Lokuphoselana Aqatha Kuka Gono lo Kasukuwere

  • Chris Gande

Udaba lokuphoselana aqatha kukamphathintambo wezokuthuthukisa inotho yabensundu, uMnu. Savior Kasukuwere losibalukhulu webhanga elikhulu lelizwe ele Reserve Bank of Zimbabwe-RBZ, uMnu. Gideon Gono aluphathwanga lidale le cabinet emhlanganweni waleli dale ngolweSibili njengalokho kade kukhangelelwe.

Kuviki edluleyo ababili laba batshelane zagcwala kulandela ukwethulwa kogwalo olwazisa abamabhanga abokuza ukuthi uhulumende usezahluthuna izabelo zamabhanga la, ama shares, aphiwe abensundu.

Lokhu kucunule uGono othe yena lokhu kuzabe sekuyikwephula umthetho. Ababili laba lanxa bebikwa bethembisane ukukhumisana umlotha loludaba belukhangelelwe ukuhlaziywa edale lecabinet ukuze kwazakale ukuthi uhulumende kanti vele umi ngapha ngodaba lwamabhanga la.

Kodwa inzwabethi zitshele iStudio seven ukuthi kuhlafunwe indaba ezimbalwa ezingelani lokwenza ngaloludaba. Ukuhlaziya loludaba uChris Gande weStudio 7 uxoxe lengcwethi ecubungula ezombusazwe, uMnumzana George Mkhwananzi.

XS
SM
MD
LG