amalinks wokungena

Breaking News

Idale LeCabinet Livumelana Ukuthengisa Amadayimana AkoChiadzwa


Idale lecabinet izolo livumelene ukuthi ilizwe liqale ukuthengisa amadayimane akoChiadzwa, laloba inhlanganiso ye Kimberly Process ibingavumelananga ekuthini eleZimbabwe linikwe imvumo yokuthengisela amazwe omhlaba amadayimana la.

Emhlanganweni owenzelwe kwele Israel ngeviki edluleyo amalunga enhlanganiso ye Kimberly Process azange avumelane ukuthi eleZimbabwe liqale ukuthengisa amadayimana alo akoChiadzwa. loludaba lubikwa luzahlaziywa njalo emhlanganweni ozakwenzelwa kweleRussia ngenyanga ezayo.

Laloba amalunga ecabinet, agoqela awamacele omabili eMDC lawe ZANU PF evumelene ukuthi amadayimane akoChiadzwa sokumele athengiswe, inhlanganiso yeWorld diamond council isikhuthaze amazwe omhlaba ukuthi alandele iziqondiso zeKimberly process engathengi amadayimana akoChiadzwa.

Sixhume umphathintambo wezokwenjiwa uMnumzana Obert Mpofu othi ukuthengiswa kwamadayimana akoChaidzwa kuzalethela ilizwe inzuzo.

Kunjalo nje siphinde saxhuma ingcwethi ecubungula ezombusazwe, uMnumzana Walter Nsununguli Mbongolwane, othi uzulu weZimbabwe kasoze athole lutho kunzuzo yamadayimane akoChiadzwa.

‚Äč
XS
SM
MD
LG