Idale labampathintambo ele Cabinet selivumelene ukuthi uhulumende athathe umsebenzi wokwenjiwa kwamadayimana akoMarange okuthiwa ngesingisi yi Alluvial Mining.
Uhulumende uzathatha isilinganiso sokungamatshumi amahlanu lanye ekhulwini- 51% kweminye imigodi emba okutshiyeneyo elizweni.
Ingcwethi kwezenotho zithi isinqumo sikahulumende lesi sizaqondana lamankampani emba iPlatinum agoqela i Anglo Platinum le Impala Platinum Holdings, lamanye.
Okwakhathesi akukacaci ukuthi uhulumende engathatha umsebenzi wokwemba amadayimana akoMarange akusoze aphazamisane na lamankampani abevele esemba amadayimana agoqela iMbada, Canadille mining lamanye aphatheke emsebenzini wokwemba amadayimana akoMarange.
UBrenda Moyo weStudio 7 uxhume ingcwethi kwezenotho uMnumzana Walter Nsununguli Mbongolwane othi akulathemba lokuthi isinqumo esesithathwa nguhulumende lesi sizaletha inzuzo ebantwini beZimbabwe.
