Idale lephalamende livumelene ukuthi umthetho wokusetshenziswa kwemali, owe Finance Bill, ubuyiselwe edale leSenate, andubana uyesainwa nguMongameli Robert Mugabe ukuze ube ngumthetho uqobo.
Ngolwesihlanu olwedluleyo, amalunga edale leSenate awebandla leZANU PF abikwa engavumanga ukwedlulisela phambili lumthetho esithi uthathela uMongameli Robert Mugabe amandla uwapha umphathintambo wezemali, uMnu. Tendai Biti.
UMnu. Edward Mkhosi, okhokhela amalunga edale lephalamende awecele le MDC elikhokhelwa nguMnu. Arthur Mutambara, utshele iStudio 7 ukuthi umthetho lo usubuyiselwa kungelakuphikisana phakathi kwamalunga edale lephalamende.