amalinks wokungena

Breaking News

Idale Lephalamende Lidinga Imibono Kazulu Ngomthetho weIndigenisation


Ikomidi yedale lephalamende ebona ngezemali kanye lokuthuthukiswa kwenotho siqalisile ukuqhuba imihlangano lozulu idinga imibono yakhe phezu komthetho osulethe ingxabano kuhulumende oweIndeginisazion and Economic Empowerment Act.

Ikomidi le yenze umhlangano wayo wakuqala ngoLwesihlanu labosomabhizimusi kanye labenhlanganiso ezizimeleyo koBulawayo njalo ngoMvulo izakwenza umhlangano ofanayo labosomabhizimusi beHarare.

Umthetho lo uqale ukusebenza ekuqaleni kwalinyanga njalo ubamba ngamandla amankampani akhokhelwa ngosomabhizimusi bakwamanye amazwe labamhlophe ukuthi babe lesilinganiso se 49 percent kuphela kuwo, isilinganiso se 51 percent siye kubosomabhizimusi beZimbabwe abensundu.

Ibandla leMDC liyawusola kakhulu lumthetho lisithi awulunganga ngoba ulakho ukuxotsha abalesifiso sokuzovula amabhizimusi elizweni, kodwa abe Zanu PF bathi bayawuthakazelela. Ukudonselana lokhu yikho osokubangele ukuthi ikomidi yephalamende le ikhulumisane lozulu.

Omunye wabosomabhizimusi bakoBulawayo abaphatheke emhlanganweni wangoLwesihlanu uMnu Abednico Bhebhe utshele uNtungamili Nkomo weStudio 7 ukuthi bayitshelile likomidi ukuthi abawuthakazeleli umthetho weIndigenisation lanxa ujonge ukuthuthukisa abensundu.

‚Äč
XS
SM
MD
LG