amalinks wokungena

Breaking News

Idolobho LeVictoria Falls Lihlaselwa Yikwehla Kwenani Lezethekeli


Inhlanganiso ye Zimbabwe Council for Tourism ithi inengi labethekelela eZimbabwe livela kwamanye amazwe abangafika isilinganiso sokungamatshumi ayisitshingalombili ekhulwini-80% sebededele emuva, ikakhulu edolobheni le Victoria Falls ngoba ziswela okokuhambisa lokhu indizamtshina zenkampani ye Air Zimbabwe zisehluleka ukuphapha ngenxa yokuswelakala kwemali.

Inhlanganiso ye Zimbabwe Council for Tourism ithi inengi labethekelela eZimbabwe livela kwamanye amazwe abangafika isilinganiso sokungamatshumi ayisitshingalombili ekhulwini-80% sebededele emuva, ikakhulu edolobheni le Victoria Falls ngoba ziswela okokuhambisa lokhu indizamtshina zenkampani ye Air Zimbabwe zisehluleka ukuphapha ngenxa yokuswelakala kwemali yokuhlawula iholo labatshayeli bazo abakhalala umsebenzi.

UMnu. Innocent Mavhunga isiphathamandla se Air Zimbabwe ubikwa esithi indizamtshina zalinkampani bekufanele ziqalise ukuphapha ngolweSine, kulandela ukumiswa kwazo ngenyanga ka Ntulikazi kodwa kwehlula ngoba imali efunakalayo, egoqela eyokuholisa abatshayeli balezindizamtshina ilokhu ingakatholakali.

UMnu. Nkosilathi Jiyane uMayor wedolobho le Victoria Falls utshele uSithandekile Mhlanga we Studio 7 ukuthi idolobho lakhe selikunanzelele ukuthi inani lezethekeli liyehla njalo lokhu kuyabahlupha njengekhansili.

XS
SM
MD
LG