amalinks wokungena

Breaking News

IGlobal Witness Iphuma Kunhlanganiso YeKimberley Process Ngoba Isola Ukuvunyelwa KweZimbabwe Ukuthengisa Amadayimana eMarange


Embikweni owethulwe ngoMvulo, uMnu. Charmian Gooch umqomndisi we Global Witness uthi eleZimbabwe kwakungamelanga liphiwe imvumo yokuthengisa amadayimana enjiwa eMarange ngoba kwabulawa abantu abedlula amakhulu amabili ngomnyaka ka 2008 emigodini le.

Inhlanganiso ebona ngokwenjiwa kwamatshe aligugu amadhayimana eye Global Witness ithi isiphumile kumanyano we Kimberley Process ngoba umanyano lo wavumela eleZimbabwe ukuthi lithengise amadayimana enjiwa eMarange.

Embikweni ewethule ngoMvulo, uMnu. Charmian Gooch umqomndisi we Global Witness uthi eleZimbabwe kwakungamelanga liphiwe imvumo yokuthengisa amadayimana enjiwa eMarange ngoba kwabulawa abantu abedlula amakhulu amabili ngomnyaka ka 2008 emigodini le.

UGooch ungezelele wathi inzuzo etholwa ekwenjiweni kwamadayimana la icina isisesikhwameni sikamongameli Robert Mugabe labasekeli bakhe, njalo isetshenziswe ukukhahlameza abantu ngesikhathi sokhetho.

Kodwa uMnu. Obert Mpofu umphathintambo obona ngezemigodi utshele iStudio 7 ukuthi inhlanganiso ye Global Witness ifuna ukuqhubeka incindezela eleZimbabwe njalo akula malungelo oluntu ephulwayo eMarange.

Ukuhlaziya loludaba, uSithandekile Mhlanga we Studio 7 uxoxe LoMnu. Walter Nsununguli Mbongolwane, ingcwethi ecubungula ezombusazwe njalo elilunga lecele le MDC elikhokhelwa nguMnu. Morgan Tsvangirai.

XS
SM
MD
LG