Igqwetha elikhulu likahulumende, u Attorney General, ubebikwa ezakhetha amalunga ekhomishini yokucubungula imbiko eyethulwe liphephandaba lebulenjini ele Wikileaks ukuthi abaqanjwayo bephula na umthetho welizwe.
Iphephandaba le Herald libe libike ukuthi uTomana ukhangelelwe ukwethula amagama amalunga la ayisithupha angamagqwetha. Kodwa yena uTomana ulandule limbiko esithi uMongameli Mugabe nguye yedwa olamandla okukhetha ikhomisheni.
Ngomnyaka odluleyo uTomana wazise ngokubunjwa kwekhomisheni le esithi abaqanjwayo yi Wikileaks, abagoqela inhloko kahulumende, uMnumzana Tsvangirai ovezwe zincwadi ezalotshwa ngowayengumeli weMelika eZimbabwe, uMnu. Christopher Dell ukuthi wayekhuthaza ukwethulwa kwezijeziso zenotho ngasese.
UChris Gande weStudio 7 uxoxe lengcwethi kwezemithetho, uMnu. Job Sibanda othi uMongameli Mugabe nguye yedwa ongabumba ikhomisheni.