amalinks wokungena

Ikhansili YakoBulawayo ithi Kufanele Kungancindezelwa AbeMatabeleland Kuhlelo Lokubalwa Kwabantu OlweCensusus

  • Sithandekile Mhlanga

Uhulumende uthi useqoqe imali eyizigidi ezingamatshumi amabili lambili $22 million dollars, phakathi kwezigidi ezingamatshumi amathathu lasikhombisa, $37 million ezasetshenziswa kuhlelo lokubala abantu elizweni i census oluzaqhutshwa mhlaka 17 lo 18 kunyanga ezayo.

Uhulumende uthi useqoqe izigidi ezingamatshumi amabili lambili-$22 million, phakathi kwezigidi ezingamatshumi amathathu lasikhombisa, $37 million edingakala ukuthi isetshenziswe kuhlelo lokubala abantu elizweni olwe Census olukhangelelwe ukuqhutshwa mhlaka 17 lo 18 ngenyanga ezayo kaNcwabakazi.

Umphathintambo wezemali uMnu. Tendai Biti ubikwa esithi izikolo zizavalwa masinyane mhlaka 2 ngenyanga ezayo ukwenzela ukuthi ababalisi labantwana belungiselele loluhlelo, kodwa zizavulwa njengenjayelo mhlaka 11 ngoMpandula.

Inhlanganiso ye Zimbabwe National Statistical Agency ebona ngaloluhlelo, ithi abantu abaselizweni abagoqela izethekeli yibo abazaphatheka kuloluhlelo.

Inkokheli yezigaba ezitshiyeneyo eMatabeleland, egoqela idolobho lakoBulawayo ivame ukukhonona ngokuthi kwethulwa inani elingaqondanga elabantu abakulesi sigaba nxa kuqhutshwa loluhlelo ngendlela yokubancindezela.

Umsekeli kaMayor wedolobho lakoBulawayo uMnu. Amen Mpofu uthi ikhansili yalelidolobho ithemba ukuthi uhulumende womanyano uzaphathisa kuloludaba.

Okuhambelana lalokhu

XS
SM
MD
LG