Ikhomidi ebona ngokulotshwa kwesisekelo sombuso esitsha, iCOPAC, ithi isize yaqalisa ukuloba isiqu sesisekelo sombuso esitsha, idraft. Omunye wabagcinisihlalo balikhomidi, uMnu. Douglas Mwanzora utshele iStudio 7 lamuhla emhlanganweni lentathelizindaba labenhlanganiso ezizimeleyo ukuthi zikhona inhlanganiso ezizavunyelwa ukufakaza uhlelo lolu.
Kodwa omunye wabasekeli bakhe, uNkosikazi Gladys Dube Gombami utshele uChris Gande weStudio 7 ukuthi lokhu kulokunye abangavumelani khona lanxa belethemba lokuthi bazakulungisisa.
Lanxa kunjalo, ingcwethi ecubungula ezombusazwe njalo engumgcinisihlalo wabatsha kunhlanganiso ye National Consitutional Assembly, uMnu. Alois Dzvairo utshele njalo uGande ukuthi akaboni isisekelo sombuso lesi siqeda ukulotshwa masinyane ngenxa yokudonselana okukukhomidi le yeCOPAC.