amalinks wokungena

Breaking News

Ikhomidi Yephalamende Ebona Ngezenjiwayo Yehluleka Njalo Ukuya eChiadzwa


Ikhomidi yedale lephalamende ebona ngezokwenjiwa kwemigodi ebikhangelelwe ukwethekelela imigodi yakoChiadzwa ngolweSithathu, ayiseyukuphumelela, ngoba inganikwanga imvumo.

Ugatsha lukahulumende olubona ngezenjiwayo yilo obelukhangelelwe ukukhulumisana lolubona ngezaphakathi kwelizwe ukuze amapholisa anike ikhomidi le incwadi eyipha imvumo yokukhangela okwenzalaka emigodini le.

Ingatsha lezi zombili zibikwa besezilokhe ziphoselana inyoka ephilayo kuphikiswana ukuthi ngubani sibi sibili okumele anike likhomidi imvumo yokuya koChadzwa.

Elinye ilunga lalikhomidi uMnumzana Moses Mare utshele lumsakazo ukuthi ikhomidi yakhe isizazama ukukhulumisana lomabhalane wedale lephalamende uMnumzana Austin Zvoma ngenjongo yokuthi ayincedise ukuthi iphiwe imvumo yokuya koChiadzwa.

UBrenda Moyo weStudio 7 ukhulume loMnumzana Kucaca Phulu igqwetha elilwela ilungelo loluntu njalo engumqondisi wenhlanganiso ye ZIMRIGHTS. UPhulu uthi ikhomidi yephalamende akudingeki ukuthi iphiwe imvumo yokuya koChiadzwa ngoba ilamandla ekubunjweni kwemithetho yesizwe.

UMnumzana Paul Siwela ingcwethi ecubungula ezombusazwe uthi ukwehluleka njalo kwekhomidi ebona ngezokwenjiwayo ukwethekelela imigodi yako Chiadzwa koMarange kutshengisa ukuthi likhomidi le ayilamandla.

‚Äč
XS
SM
MD
LG