EleZimbabwe lithi likhangelele ukuthi inhlanganiso ye Kimberley Process ivume ngolweSithathu ukuthi amadayimana enjiwa eMarange athengiswe kungelamigoqo ngoba seligcwalise izinqumo zonke ezidingakalayo.
UMnu. Obert Mpofu, umphathintambo obona ngezemigodi utshele iStudio 7 ukuthi eleZimbabwe kalisoze likhulumisane lamazwe aphetsheya agoqela ele United States ngodaba lwamadayimana emhlanganweni we Kimberley Process osaqhubeka eDemocratic Republic of Congo ngoba amazwe la efuna ukubuyisela eleZimbabwe emuva.
UMpofu utshele uSithandekile Mhlanga weStudio 7 ukuthi kufanele abantu babekwazi ukuthi eleZimbabwe kalibuyanga eDRC ukuzoncenga iKimberley Process, kodwa ukuyitshela ukuthi isingathengisa amadayimama enjiwa eMarange.