amalinks wokungena

Breaking News

Ilizwe Likhumbula Umuyi uDr. Joshua Nkomo


Joshua Nkomo

Ilizwe likhumbula imbali kamuyi, uMnu. Joshua Mqabuko Nyongolo Nkomo owayengumskeli kamongameli ngesikhathi sokubhubha kwakhe ebulawa ngumkhuhlane wemvukuzane mhlaka 1 ngoNtulikazi ngomnyaka ka 1999.

UMnu. Nkomo, wayengumkhokheli webandla le Zapu njalo le vuyo le Zipra. Umuyi wala ukuthi ivuyo le Zipra liye empini lebutho likamongameli Mugabe ngesikhathi kulokungezwani kwamabutho la.

Ilizwe lisandathola uzibuse umuyi wasungula inkampani ye Nitram eyayilamabhizimusi amanengi ayephathisa ababengabalweli benkululeko abe Zipra.

Kodwa izakhiwo ezinengi zalinkampani zathathwa nguhulumende kulandela ukungezwani okwaqhamukayo phakathi kwebandla le Zanu lele Zapu kwaba lohlelo lwe Gukurahundi. Kuze kube namuhla izakhiwo lezi lokhu zisezandleni zikahulumende.

Abasekeli be Zapu kunye lezinye ingcwethi zithi uNkomo waqilibezelwa kukhetho ngabelungu ababengafuni ukuthi abengumongameli ngoba wahle wazisa ukuthi ilizwe lingathola uzibuse wayezakwaba kutsha umhlabathi.

UMongameli Mugabe yena wayengakazisi uzulu ukuthi udaba lomhlabathi lwaluzaphathwa njani. Sixoxe lowalwa impi yenkululeko, uMnu. Rugare Gumbo, owake waba yisikhulumeli sebandla le Zanu PF, othi umuyi wayiqhawe lamaqhawe.

please wait

No media source currently available

0:00 0:01:53 0:00
Lapho esitholakala khona

Silokhu sikudaba lunye.Intathelizindaba yethu uMavis Gama ubhodabhode edolobheni le Harare esizwa imbono kazulu ngelanga lanamhlanje lokukhumbula umuyi uDr. Joshua Nkomo wasethulela loludaba ngokugcweleyo.

Omunye osakhulayo njalo engophatheke kumisebenzi yokukhankasela ilungelo likazulu, uMnu. Pride Mukono, uveze ukuba luqakatheke kanganani lolusuku wachaza umuyi njengomuntu owangelayo inkethayabetshabi njengalokho osekuvezwa ngezinye inkokheli zikahulumende.

Wengeze ethi zinengi izifundo ontanga abangazithola kumpilo kamuyi amchaze njengomuntu owayelothando kuye wonke umuntu engelankethabetshabi. Okusekelwe ngomunye umama osesemutsha laye ongathandanga ukubethwa ngegama lakhe, kodwa eyisakhamuzi sase Avondale e Harare.

Umuyi ubhubhe ngosuku lwakuqala kunyanga ka Ntulikazi ( 1 July 1999 ),wabekwa emangcwabeni e National Heroes Acre ngemva kokuphiwa inhlonipho yokuba liqhawe lelizwe lanxa abemuli babefuna ayebekwa kibo eKhezi.

please wait

No media source currently available

0:00 0:03:05 0:00
Lapho esitholakala khona

Kunjalo nje, kuhlelo lwethu Liphuma Lendaba Litshona Lendaba sixoxa ngodaba lunye siloMnu. Jabulani Sibanda, owake wakhokhela abalwa impi yenkululeko.

please wait
Embed

No media source currently available

0:00 0:07:34 0:00
Lapho esitholakala khona

XS
SM
MD
LG