amalinks wokungena

Breaking News

IZimbabwe Iqoqa Ukuqhuba Umkambo Wesibili Wokuthengisa Amadayimana AkoChiadzwa


Isikhonzi senhlanganiso ebona ngokuthengiswa kwamadayimana emhlabeni jikelele eye Kimberly Process uMnumzana Abbey Chikane ubikwa efike kweleZimbabwe ngolweSine.

UChikane ubikwa elande ukuzoqoqa umkambo wesibili wokuthengisa amadayimana akoChiadzwa okhangelelwe ukwenziwa kuyonale inyanga.

Kodwa ugatsha olubona ngezokwenjiwa lwethule umbiko ngeviki edluleyo wokuthi alusamemezeli okumayelana lemikambo yokuthengisa amadayimana ngoba emhlabeni wonke jikelele amadayimana avele athengiswa nsitha.

Umphathintambo wezemigodi uMnumzana Obert Mpofu walile ukuveza ukuthi uChikane ukhona elizweni ngempela lokuthi umkambo wokuthengisa amadayimani uzakwenziwa nini, esithi uphatheke ngokunye koBulawayo.

UBrenda Moyo westudio 7 ukhulume lengcwethi kwezenotho uMnumzana Rejoice Ngwenya othi kuliqiniso ukuthi emhlabeni jikelele amadayimana athengiswa nsitha, wathi, kodwa nxa lokhu kusenziwa nguhulumende olebandla leZANU PF phakathi, elaziwa ngokungethembeki, kucina kudala imibuzo eminengi kakhulu kuzulu jikelele.

XS
SM
MD
LG